جبهات مفتوحة… إسرائيل بين غزّة واليمن ولبنان وسوريا

من غزّة، لليمن، لجنوب لبنان وبقاعو، لسوريا… إسرائيل عم تخوض مواجهات عَ أكتر من جبهة، والرسالة واضحة: تطهير المنطقة كلها من أعداء إسرائيل ومما تبقى من المحور الإيراني.

اليوم، الطيران الإسرائيلي مكمل غاراته العنيفة عَ غزّة، ووزير الخارجية الإسرائيلي كاتس لوّح بخطاب عالي النبرة: يا ياخدوا حماس قرار بالإفراج عن الرهائن، يا إمّا إسرائيل “رح تدمر غزّة بالكامل”.

وبالتوازي، الجيش الإسرائيلي اقتحم نابلس بالضفة الغربية، وسط اشتباكات واعتقالات، بينما جبهة جنوب لبنان وبقاعو ما عم ترتاح من الاغتيالات والضربات المفاجئة مع اعلان إسرائيلي عن صيد ثمين بكل ضربة.

أما على الخط الدبلوماسي، إسرائيل وجّهت تحذير صارم للدول الأوروبية: أي عقوبات ضدها، رح تواجَه بـ”رد مناسب”، يعني المواجهة مش بس عالأرض، بل كمان عالساحة السياسية والدولية.

على ما يبدو المنطقة داخلة بدوامة تصعيد جديدة وعملية تطهير شاملة: من غزة لليمن، للبنان ولسوريا، الحروب متشابكة، وكل الأنظار صوب إسرائيل وكيف رح تقدر توازن بين التهديدات العسكرية، الضغط الدولي، والغليان الشعبي… والأهم لأي مدى ممكن الحروب الإسرائيلية تتوسع؟ وبأي اتجاه؟